पुणे : सूर्यदत्ता नॅशनल स्कूलच्या विद्यार्थ्यांनी पर्यावरणपूरक दिवाळीचा संदेश देण्यासाठी टाकाऊ वस्तूंपासून बनवलेल्या कलात्मक वस्तूंचे प्रदर्शन भरवले आहे. विद्यार्थ्यांनी टाकाऊ गोष्टींपासून अनेक नाविन्यपूर्ण कलाकृती साकारल्या असून, अश्म युग ते चंद्रावर उतरण्यापर्यंतचा मनुष्याचा प्रवास येथे पहायला मिळतो.
विद्यार्थ्यांमधील कलागुणांना प्रोत्साहन मिळावे, वेळेचे महत्त्व कळावे या उद्देशाने शाळेने हे प्रदर्शन आयोजित केले आहे. सूर्यदत्ता ग्रुप ऑफ इन्स्टिट्यूटचे संस्थापक अध्यक्ष डॉ. संजय चोरडिया म्हणाले, ‘टाकाऊ वस्तूंपासून बनवलेल्या या कला प्रदर्शनातून दिवाळी अतिशय साध्या आणि पर्यावरणपूरक पद्धतीने साजरी करावी, असा संदेश दिला आहे. सूर्यदत्ताच्या माध्यमातून जागतिक स्तरावरील शिक्षण आणि व्यवसायाभिमुख शिक्षण देण्याचा प्रयत्न करण्यात येतो. ज्यामुळे उत्तम विद्यार्थी घडतील आणि समाजासाठी उत्कृष्ट कामगिरी करतील.’